Жаңалық - Қазақстан жаңалықтары

новость от 03.03.2022

СУ РЕСУРСТАРЫ-ЕЛДІҢ ТҰРАҚТЫ ДАМУЫНЫҢ ЭЛЕМЕНТІ

           Соңғы бірнеше жылда су ресурстары елдің орнықты дамуының маңызды элементтерінің бірі болып табылатыны айдан анық. Біздің еліміз трансшекаралық ағындарға байланысты, сондықтан шектес елдермен өзара тиімді ынтымақтастық елдің су қауіпсіздігін қамтамасыз етудің негізгі факторы болып табылады.
           Трансшекаралық ағынға неғұрлым тәуелді Арал-Сырдария, Жайық-Каспий және Шу-Талас бассейндері болып табылады. Сондықтан, осы бағыт бойынша қазақстандық тарап көрші елдердегі әріптестерімен тұрақты жұмыс жүргізуде.
           Сырдария өзенінің бассейні бойынша Өзбекстанмен бірлесіп Қырғызстан және Тәжікстанмен электр энергиясымен тауар алмасу жүзеге асырылады, бұл Тоқтоғұл және "Бахри-Точик" су қоймаларынан қосымша су ағызуды қамтамасыз етеді.
           Қырғызстанмен Орта Тоқой және Киров су қоймаларының жұмыс режимдерін бекіту бойынша жұмыстар, сондай-ақ, Шу және Талас өзендерінің бассейндерінде мемлекетаралық пайдалану арналары бойынша су беру кестесі жүргізілуде.
           2021-2024 жылдарға арналған Жайық трансшекаралық өзені бассейнінің экожүйесін сақтау және қалпына келтіру жөніндегі Қазақстан-Ресей ынтымақтастығының бағдарламасы қабылданып, іске асырылуда.