Жаңалық - Қазақстан жаңалықтары

новость от 09.03.2022

АУЫЗ СУМЕН ҚАМТАМАСЫЗ ЕТУ БОЙЫНША ИНТЕРАКТИВТІ КАРТАҒА ЖАҢА ФУНКЦИЯЛАР ЕНГІЗІЛДІ

           Картаға азаматтардың өтініштерін қабылдау мен өңдеудің бірыңғай платформасы арқылы халықпен кері байланысты көздейтін жаңа функциялар енгізілді.
           Интерактивті карта ауылдарды сумен қамтамасыз етуді мониторингілеу үшін әзірленген. Ол интернетте ашық қол жетімді. Картада әрбір ауыл бойынша барлық қажетті ақпарат көрсетілген: сумен қамтамасыз ету, қаржыландыру, қаражатқа қажеттілік, халық саны, ұзындығы, тозуы.
           Ауыз сумен қамтамасыз ету бойынша Алматы, Атырау және Қызылорда облыстары көш бастап тұр. Министрлік бірқатар өңірлерде артта қалушылық байқалып отырғанын атап өтті. Ауыз сумен қамтудың ең төмен деңгейі Қостанай және Солтүстік Қазақстан облыстарында байқалады. Жалпы 2021 жылдың қорытындысы бойынша, ауыл халқының 93%-ы сумен жабдықтау қызметтеріне қол жеткізген.